По иницијатива на Благоја Георгиевски-Љољо, некогашен (долгогодишен) алфа и омега на ФК Балкан, директор на клубот во времето на Стококомерц, се снима документарен филм за клубот. Поводот е 100 години од формирањето на клубот (специјална торта изработена за тој јубилеј).

Снимањето на филмот беше пролонгирано заради смртта на Ванчо Георгиевски-Сурла (почина во декември 2021) претседател во најуспешните години на клубот кога го доби прекарот “Тајфунот од Чаир”. Во негово време Балкан Стококомерц од Втората македонска меѓурегионална лига -запад (сезона 1987/1988), преку Првата македонска лига, играше во Третата сојузна лига на Југославија – Исток каде го освои првото место и се пласира во Втората сојузна лига на Југославија. Сето тоа во континуитет, година за година.

Во првата (премиерна) сезона на државната Прва лига на независна и суверена Македонија (сезона 1992/1993) ФК Балкан Стококомерц заврши на трето место (зад Вардар и Силекс).

Клубот се натпреваруваше во наредните 10 сезони во ранговите на независна Република Македонија, кога по низа, пред се, финансиски проблеми престана да се натпреварува и згасна.

Документарниот филм се снима на разни локации во Скопје. Дел од овој документарец ќе бидат личности од повеќе генерации од 100 годишната историја на ФК Балкан Скопје.